Cute Babulja

Cute Babulja janë një ndër grupet më interesant të shekullit të ri në Shqipëri. Jo se konkurrenca është edhe shumë e madhe por sidoqoftë Cute përfaqsohen denjësisht.

Në kohë të errëta si këto kur raperat mblidhen në një dhomë e nxjerrin mjell që ne duhet t’a marrim për drogë, pistoleta plastike të blera te kinezet që duhet të na trembin, e pastaj këndojnë para telekamerave, Cute bëjnë të kundërtën : videoklipi i Udhë të mbare p.sh është apologjia e folkut, si muzikë e si video. Është një  darkë ndoshta e mërzitshme në një  fshat të vogël e të mërzitshme ku grupi këndon për një fejesë apo një  dasëm, para nënokes e para pensionistëve të fshatiti. Kështu lindi folku para qindra vitesh, kjo është ideja reale e muzikës shqiptare e bërë pa diskografi e pa kontrata. Në mënyrë absurde, duhet të kthehemi në provincë për të arritur botën, dhe nuk ka lajme nëse Cute Babulja e dinë këtë, por më pëlqen të besoj se po. Një  makinë që shkon në një  fshat, këndon dhe ikën. Orkestra, si thonë. Dhe është e gjithë tmerrësisht e vërtetë. The Rolling Stones e The Strokes janë  shumë larg nesh, lëre pastaj 2Pac apo 50Cent dhe e gjithë ajo lagjja andej. Fakti që gjysma e Shqipërise i kopjon nuk i afron as edhe një  gjysëm milimetri.
Por nëse Ritfolk ishin brit-folk-rock, Cute janë  akoma një  hap përpara, mund t’i përcaktojmë shqip-folk-rock. Tashmë  nuk ka më  arsye pë r të  cilat një  grup shqiptar të  ndihet inferior dhe të  ndjejë  kulturë n e tij si inferiore. Hapi tjetër drejt origjinalitetit janë  grupe si ky. Asnjë  genjeshtër, asnjë pretendim për të qënë diçka që nuk kanë. Dhe edhe pse zërat e këqija mund të mendojnë që Beatles janë  një nga influencat e këtyre djemve, dreqi t’a marre, Beatles kanë influencuar këdo kështu që eshtë më se normale. Por nëse hyjmë në detaje atëhere mund të mendojmë për Creedence Clearwater Revivial, të paktën si mënyre konceptimi muzikë, si dëshmi e një mënyre të jetuari.
Dhe me sa kam dëgjuar deri tani, janë  këta djem e ardhmja e muzikës shqiptare.

Tags: cute babulja, folk shqiptar, Muzikë, shqip