Posts Tagged ‘darien levani’

Nëntor me diell e libra (mbi letërsi, Panair, ebook, Sufjani Stevens, Locke. )

13/11/2015

Stend (by me)

Letërsi
Duke parë një film të ambientuar në vitet 1800, me shumë mundësi një nga 1800 versionet e Sherlock Holmes, më lindi pyetja që çdo person normal duhet t’i bëjë vetes në ato raste: këta ku dreqin e merrnin akullin që vënë në whiskey në ato vite?

(more…)

Advertisements

Shënime tetori

22/10/2015

12112303_10153719471229421_1734156057939602288_n

Mbi tre breza Cohen, Brad Mehldau, Naim bej Frashërin dhe panairin e Frankfurtit.

Nga majtas djathtas Leonard Cohen, djali i tij Adam Cohen e nipi fëmija Cohen që kush e di se si quhet. Të dytin, këngëtar fantastik mbytur nga hija e të jatit mund ta dëgjoni këtu në një nga këngët që më pëlqejnë më shumë, të paktën intro e zhvillimi fillestar. Me kë ju ngjan?

(more…)

Letërsia shqiptare? Thjesht imitim i vazhdës evropiane apo amerikane.

22/12/2012

PB.: Në përgjithësi çdo shkrimtar ka një kohë shkrimi të përcaktuar, por edhe një sasi shkrimi deri diku të caktuar. Dikush shkruan në mëngjes, dikush natën, dikush kur të ketë kohë; shkruan një, pesë, dhjetë faqe njëherësh. Po Darieni, kur dhe sa shkruan? Dhe – pa harruar – në mënyrë të veçantë, kur dhe si është shkruar “Poetët” më së shumti?

Unë shkruaj kudo e kurdo. Poetet është shkruar ne 2009, e kam nisur në mars e duhet ta kem mbaruar në gusht. Në shtator 2009 u transferova në Francë për studime e gjatë rrugës humba kompjuterin me dorëshkrimin. Ishte kopja e vetme.  Në atë moment isha më i dobët, më i varfër e nuk kisha një botues në Shqipëri, mendova që nuk paska qenë e thënë që ky libër të shkruhet. E fshiva edhe në mendje por ja qe, pas ca muajsh, Martini filloi të më fliste. Ishte një periudhe kur shikoja shumë koncerte në skenën underground parisiene, në ca vendi ku publikut zakonisht nuk i kalonte kurrë 15 spektatorët. Studioja muzikantët: shumë prej tyre kishin qënë adoleshent të ngathët, të izoluar e të shëndoshë. E dija që pas ca vitesh do fillonin punë si mësues privat të ndonjë instrumenti a shitësa në ndonjë dyqan telefonash. Kjo ishte e kaluara dhe e ardhmja, por mua më interesonte ai moment. “Everything that is happening is happening now”, bërtiste Joe Strummer. Çarë i shtynte deri në atë skenë, deri te unë. Ajo gjuhë, ata gjeste, ato fjalë, ai zjarr. E dija që ishte e njëjti mekanizëm që shtynte kolegët e tyre në Shqipëri, njerëz si Martini që pretendonte pjesën e tij. “Pse Darien, thoshte, pse nuk do e tregosh historinë time? Nuk meritoj sa këta të tjerët? Nuk dëshiron që të dish ça ndodh me Enxhin? Unë dua të tregohem, tregomë”.

        U dorëzova. Aty nga Krishtlindjet e 2009 bleva dy shishe verë të kuqe, një kuti me duhan Gamel e një darkë fillova të shkruaja. Kthehesha nga universiteti në mbrëmje, ndalesha për të blerë një shishe verë të kuqe e shkruaja përnatë të paktën 5-6 ore rresht.  Mëngjesin tjetër nuk e lexoja fare, prisja darkën për të shtuar jetën e Martinit.

Lexo intervistën e plotë

Lexo/shkarko një ekstrakt të romanit në format pdf.

“Poetët bëjnë dashuri ndryshe” – shkarko në pdf

10/12/2012

 

Këtu mund të lexoni a shkarkoni një ekstrakt të romanit në pdf.

L’importanza di essere in sintonia con l’universo

01/12/2012

Që është një film i shkurtër që kanë bërë nga një tregim im quajtur “Hajdutë biçikletash” por është pjesë e një projekti me te gjerë.

Mund ta gjeni edhe te Internazionale, Corriere della Sera ( ku ka 37 dislike, jo shaka) , Darien Levani etj etj.

Me këtë tregim unë doja të anulloja detin e të tregoja më qartë atë që ndodh këtej. Qëllime të mëdha, arritje të vogla. Shumë pyetje, shumë dyshime.

Realizmi demokrat

27/10/2012

Në kërkimin e ethshëm për të zbuluar se “si bëjnë dashuri poetët”, askush nuk vë re se ‘Realizmi demokratik’ tashmë ka filluar. (citim EdRus)

 

Si nuk dola në televizor

22/10/2012

nga Darien LEVANI

Si nuk dola në televizor te Zonë-e-Lirë: shkarko e lexo në PDF

Ishte dita ime e tretë në Tiranë e kisha filluar të mërzitesha. Doja të filloja të pija përsëri cigare e paketat e kuqe në rrugën e Durrësit më flisnin. Vetëm një, thoshin, vetëm një dreqi ta hajë, s’më duket shumë e rëndë. Pastaj do shkosh e do bësh punët që ke me bë e fakti që ke pirë apo jo një cigare në atë vend të caktuar në atë moment nuk do të këtë më asnjë kuptim. Ej, Darien, si thotë Tom Waits, e mban mend apo jo? Thotë që kur nuk pi cigare mund ta pish një, tamam sepse nuk pi cigare. Hajde tani, pije një për këtë qytet. Nuk e meriton vallë ky qytet një cigare? Ke rezistuar 11 muaj, e meriton një cigare. (more…)

Poetët bëjnë dashuri ndryshe – zgjidh kopertinën

16/09/2012

Meqë kemi vërtet shumë kopertina për këtë libër, kemi menduar të bëjmë një sondazh në rrjet.  Mendoj që  është një mënyrë e re për të përfshirë publikun. Duke klikuar këtu mund të votoni për të zgjedhur kopertinën e librit tim që do jetë në shitje nga data 22 tetor.

Mbi librin

 “Poetët bëjnë dashuri ndryshe nga ne” duhet të dalë pas verës, nga shtëpia botuese “Pegi”, e ndoshta arrij të organizojmë një prezantim në panairin e librit në Tiranë në nëntor. Jam shumë i kënaqur për këtë libër. Flet për një djalë që ka një grup muzikor në Tiranë, e lëviz mes shpresash e zhgënjimesh, tamam ashtu si kam parë shumë miq që mundohen të bëjnë muzikë. “Poetët bëjnë dashuri ndryshe nga ne” është një homazh për ta, që nuk lodhen e nuk stepen, që nuk dorëzohen, por luftojnë përditë, aty, në ato lokale ku nuk shkoni kurrë a në salla provash të fshehura. Doja që kur të lexohej të ndihej pluhuri i Tiranës që ngrihet! Pastaj ka gjëra të tjera, të reja e të vjetra: tym cigaresh, këngë të shkëputura, treg Medreseje, autobusë të djersitur, dashuri buzë Lanës që qelbet e lulëzon, mbledhje partish, fundjavë në Durrës e pastaj koncerte, këngë, prova, muzikë. Në fund të fundit, është vetëm rock ‘n roll, por unë e dua shumë!

Intervista e plotë

Post Scriptum

Ata që do të votojnë kopertinën që do të përzgjidhet nga autori dhe botuesi, do të marrin pjesë në një short për të fituar 10 çmime. Natyrisht, ky votim po kryhet pikërisht për të kuptuar preferencat e lexuesve të mundshëm. Votoni dhe ftoni edhe miqtë tuaj të votojnë… mund të fitoni një çmim interesant!

Faqe FB botime Pegi

Faqe FB Darien Levani

Intervistë me Darien

06/03/2012

Intervistë për/pas Qukapik-ut, ku flitet për raki, Vonnegut junior, shërbime sekrete,miq e armiq.

Të luash mirë, të shkruash mirë

29/01/2012

Shpesh herë nëpër konferenca të ndryshme ku prezantoj librat e mi apo ata të ndonjë miku, arrin një pikë, aty nga fundi, kur dëgjuesit bëjnë pyetjen e vjetër në forma të reja ( e në gjuhën e kaurit )  : çfarë duhet të kesh për të shkruar? (more…)

Intervistë me Darien Levani-n

24/12/2011

që flet për libra, kritikë, dialekte, letërsi etj etj etj! E gjeni këtu!

Qukapiku magjik dhe i famshëm

19/12/2011

Para disa vitesh, aty nga fundi i 2005 – fillim 2006, kam shkruar një roman që titullohet Il magico famoso Qukapik.

Në ato vite isha më i dobët dhe me i shqetësuar për të ardhmen e njerëzimit në përgjithësi. Në ato vite dukej normale që mund të vdisnim të gjithë për një sëmundje që vinte nga pulat. (more…)

Tregomë Tiranën.

26/10/2011

Eja miku im, ulu para kësaj gotë birre që kam porositur për ty. I kam folur kamerierit në një gjuhë të huaj miku im vetëm për të vënë këtë birrë para teje. Është një drogë që të bën të dëshirosh të flasësh, ndaj fol. (more…)

Nata. Vazhdo.

01/08/2011


nga Darien LEVANI

Lexo në PDF : Nata. Vazhdo

Ngjitem në autobus te Shkolla e Bashkuar, ulem në një vend bosh e pres. Përballë ushtarët e akademisë Skënderbeg duhet të kenë leje sepse dalin një nga një e i shikoj tek përshkojnë rrugën për të hipur në autobusin tim. Fytyra të vrara, njerëz të lodhur nga një javë presion. Pas pak ngjiten edhe dy djem që njoh, dy hajdut të vegjël. Shkojnë deri në qendër e kur bëjnë 3-4 portofole kthehen mbrapsht. E jetojnë jetën ngadalë, ditë pas ditë. Tresin heroinën në shkallët e ndonjë pallati dhe kalojnë natën jashtë. I njoh sepse dikur më vidhnin edhe mua. Tashme jam rritur e kur i takoj ulim të gjithë sytë. Janë të vetmit që mbajnë bluze me mëngë të gjata, fshehin venat e bërë copë nga qindra shiringa. Por s’kam dëshirë të merrem me ta sot. Nuk dua t’i shikoj, nuk dua të mendoj për ta. Mund të nxjerrin edhe armë e të vjedhin autobusin, s’me intereson. (more…)

Dy vjet më vonë

09/03/2011

nga Francesco Guccini

La verità

La voce triste del silenzio abbraccia gli angoli del tempo,
si è fatto giorno, ed è già sera e dove è andata primavera?
I camions corrono lontani, mi tengon fermo le tue mani.
Le fughe sono ormai finite sulle autostrade ormai ingiallite,
risate a vuoto si sono spente sui visi noti della gente.
Le frasi storiche son dette, le mani nobili son strette,
la mia canzone è morta già, qualcuno forse ascolterà
cercando assieme a me la verità… (more…)

Problemi i sheqerit

28/05/2010

nga Darien Levani & Alfred Bushi ( po m’shumë Darien Levani )
Une e Alfredi jemi ulur jashtë, duke pire secili një kafe. Vendi është i mbuluar e i rrethuar, e kur fillon të bjeri shi as që nuk e vëmë re fare. Pas pak minutash kemi një takim ku duhet te vendosim nëse na japin një skenë për një koncert etj etj.

Era rrëzon kutinë e tij të sheqerit. Shikohemi në sy për pak sekonda, secili duke u munduar të kuptoje nëse tjetri ka ndër mend me e kap. Jo, me sa duket jo. Qeshim. Zarfi i sheqerit është përtokë tashmë. Fillojmë të konsiderojmë problemin sipas filozofëve të ndryshëm. Çfarë do thoshin ata që na kanë udhëhequr në jetë ( me rezultate shumë shumë të dobëta ) ? (more…)

Bardhyli dhe flamuri bardhë e blu

21/05/2010

nga Darien Levani

Ka ca ditë në Tiranë të cilat papritmas të ngarkojnë të gjithë peshën e qytetin mbi shpatulla. Miq që i kishe harruar të marrin në telefon për atë muhabetin që ti s’mban mend fare, femra që deri dje nuk të shikonin me sy të ftojnë për një kafe” Bardhylo, ke humb fare, po mo, kafe te blloku lal, të lej numrin e telefonit…ë?, e ke numrin? …po ke atë të vjetrin ti, kam ndërru numër se ata të rripnin…, dhe ndërkohë Tirana blen aq shumë lojtarë saqë e ke të pamundur ti analizosh të gjithë.

(more…)

Shkoni drejt e në ferr çuna…

10/04/2010

The only band that matters

botuar te Gazeta

Nëse ka ekzistuar ndonjëherë ideja dhe ideali i botës së përmirësueshme me akorde muzikorë, e gjithë kjo ide në vitet 70 ka vdekur bashke me Hendrix, Joplin, Brian Jones, me festivalin e Woodstock a me Kennedy. Ndërkohë  lufta në Vietnam vazhdon e në vitet e ardhshme të gjithë ata që besonin se mund ta ndalnin do bëjnë mea culpa para tv-së në emisionet e të shtunës në darkë ( përveç Dylan & Cash ).  Beatles janë ndarë, R.Stones firmosin kontrata me shumë zero, shtëpitë diskografike ndërhyjnë gjithmonë e më shumë në albume ndërsa në Amerike qeveris një ndër presidentët më të këqin që mbahet mend ndonjëherë. Ëndrra e muzikës rock në fakt që në fillimet e viteve 70 ka vdekur, është një farë i sëmuri Bosfori, adoleshentet kthehen në shtëpi e lulet vyshken, muzika lë politikën për tu bërë përsëri thjesht muzikë. Të vetmit që vazhdojnë në rrugën e  tyre janë njerëz si Joan Baez e Pete Seeger. E megjithatë, i gjithë ky dështim nuk është formalizuar akoma.

(more…)

Thertorja 5 i Kurt Vonnegut Jr

05/04/2010

Librat vërtet të mëdhenj kanë një gjë të përbashkët : e rregjistrojnë ndodhinë dhe e ruajnë mes tyre. Mund ta rihapësh edhe mbas shumë shekujsh e ngjarja do ndodhi sikur koha s’ka kaluar.

Thertorja 5 është një libër i tillë!

Dresden është një qytet në Gjermani, sot përmban rreth gjysëm milion banorë. Është qyteti i parë i rrafshuar komplet nga aleatët gjatë luftës së dyte botërore.

Nuk kishte ndonjë gjë të madhe në Dresden, as nazist as ushtri as SS. Kishte 1) industri armësh por kjo nuk u bombardua dhe 2) trena plot me njerëz. Aleatët mendonin se ishin ushtarë që niseshin drejt Rusisë por në fakt ishin civile që vinin në Dresden për tu shpëtuar bombardimeve duke qënë se ishte qyteti me i sigurt gjerman.

(more…)

Cigare

12/03/2010

Para

C’è un uomo a letto con una donna, è disteso,  lei è sopra di lui,
lei dice
Con chi sei stato stanotte, con una nuova?

Massimo Volume – Meglio di uno specchio

nga Darien Levani

Ajo përkulet pak, aq sa mjafton për të tërhequr një album fotografish nga dyshemeja.
Ai mendon se e di se çfarë do ndodhi. E ka parë disa here, i njëjti pozicion, e njëjta dhomë gjumi, vetëm femrat sipër tij ndryshonin.
<< Ky je ti. >> hakmerret ajo duke i mëshuar një foto ne trup << Këtu është mali këtu është dëbora. Kjo është fytyra jote. Këto janë pantallonat e tua. Kjo është dora jote, këta janë flokët e tu. >>

(more…)