Gëzuar 2011

by

Të uroj gëzimin, të kesh gjithmonë dikë
me të cilin të ndash çdo gjë.
Të uroj të kesh kujtime të bukura
në të cilat të kthehesh me mëndje në momente të këqija.
Të uroj një nga gëzimet e vogla më të mira të përditshme:
të hapësh një libër që mban mend mirë,
t’i shpërfillësh faqet
e të lexosh fjalët e para familjare.
Të uroj pranverën e mrekullinë
që të vërtetosh që është gjithmonë më mirë
se e kishe menduar.
Të uroj lumturinë e një dhurate prej një fëmije:
– një tufë dhëmbësh luani, të tharë,
– një karamele të lëpirë përgjysëm,
– një bretkose,
– një puthje.
Të uroj që ti të mundesh, të paktën një herë në jetë
të shohësh diçka tepër të rrallë, të çudishëm e të bukur.
Të uroj melankoninë e një kopështi në dimër,
e mbas muajsh pritjeje, të vegjlit e parë, sythet e pranverës.
Të uroj të mbesësh i mahnitur nga pafundësia,
shumëllojshmeria e botës së kafshëve.
Të uroj besimin e një kafshe të egër,
të zbutur me durim e dashuri.
Të uroj që ti të mos shohësh dashurinë
që blihet me çmimin e poshtërimit.
Të uroj që ti të mund të gjesh përherë
fjalët e duhura, për të mbajtur larg kryeneçet
e të kesh mjaftueshëm forcë në gjunjë,
që të ecësh me dinjitet.
Të uroj që ti të mund të kesh një zemër plot me dashuri
e gjykime të zgjuara.
Të uroj kënaqësinë që të jesh i dëshiruar
e të gjesh dhuratën e përkryer,
të ndiesh parfumin e tokës,
nga lulishtja e gjelberuar.
Të uroj letra,
të një kaligrafie që e njeh menjëherë,
me një kaligrafi që s’e shihje prej vitesh.
Të uroj letra plot me lavdërime, plot me inkurajime,
letra me mirënjohje e me dashuri.
Të uroj letra të zhubravitura,
të njollosura me bojë, të shkruara shtrembër,
por të mbuluara me puthje.
Të uroj lumturinë që të harrosh të shkuarën
e të gjesh fillime të reja.
Të uroj lumturinë e ideve,
eksitimin e arsyes,
triumfin e dijes,
pastrimin e pamjes,
hollimin e dëgjimit,
zgjatjen drejt zbulimeve të reja,
kënaqësinë e së shkuarës ashtu si të tashmes.
Të uroj kënaqësinë krijuese.
Të uroj lumturinë,
por jo lumturinë që arrihet duke mbyllur jashtë botën,
as atë ku mohon dashurinë vetjake për privilegje:
të uroj lumturinë e dhënies së asaj që ke në mënyrën më të mirë të mundur,
të rrezikosh për të guxuar, të rrezikosh për të dhënë,
të rrezikosh për të dashuruar.
Trajtoje lumturinë me mirësjellje
është një borxh.

nga Pam Brown

__________________________________________________________

Miq të Tirana Calling ,

Gëzuar Vitin e Ri !

Advertisements

Tags: ,

17 Responses to “Gëzuar 2011”

  1. un Says:

    Pershendetja ime per kete vit te ri do te jete nje poezi e shkruar nga jo un :

    « … Dhe hëna që mërzitej atje lart mbi re
    Ka hedhur në dhomë një vështrim të trishtë.
    Tavolina është shtruar për gjashtë vetë,
    Një vend është bosh.
    Është im shoq, janë miqtë e mi dhe unë,
    Që festojmë Vitin e Ri.
    Përse ky gjak mbi gishtat tanë,
    Përse kjo verë që djeg si një helm ?
    I ngrirë dhe solemn, i zoti i shtëpisë
    Ngre gotën dhe thotë :
    « Një dolli për lirishtat tona të dashura, për tokën,
    Në të cilën të gjithë ne dergjemi ! »
    Pastaj miku im, duke më vështruar mua
    Dhe duke iu kujtuar një Zot e di çfarë,
    Thërret : « Le të pijmë për këngët tona,
    Në të cilat të gjithë ne jetojmë ! »
    Por i treti nuk dinte asgjë
    Kur e braktisi këtë botë,
    Dhe ai iu përgjigjet mendimeve të mia :
    « Të mos harrojmë një dolli për atë
    Që mungon ende midis nesh ».
    ________

    “Balada e Vitit te Ri”
    nga Ana Akhmatova.

  2. tiranacalling Says:

    Ne kete foto jemi shume, por nuk jemi te gjithe. Per arsye shpejtesie e kohe, mungojne shume veta.

    Gezuar Vitin e Ri te gjitheve!

  3. flo Says:

    Mua edhe mund te me hiqni fare se nuk eshte se jam shume aktive, nga nje gje ne vit botoj 🙂 p.s. Ka nje poezi Akhmatova qe me duket se fillon keshtu:-kemi mbetur vetem moj muza ime… nese do te mundeshit ta sillnit ketu, do t’iu isha mirenjohese…

  4. un Says:

    Po shoh se ka 13 vete aty. Jezu Krishti dhe 12 apostujt. Kush eshte Jezui aty ? Apo eshte ndonje Jezuice ? Po Juda, kush eshte ?

    Ngaqe s’e kam idene “kush eshte kush”, me perjashtime te vockla, do te futem ne ca hamendesime te pademshme. Mendoj se nena e Jezuit eshte goca e fundit djathtas, me shami ne koke. Vete Jezui mendoj se eshte i dyti lart nga e majta, ai qe po shikon lart, ne qiell. Juda them se eshte i pari lart majtas, me cigare ne goje. Maria Magdalena them se eshte e treta lart nga e majta, se ajo rri gjithmone afer Jezuit, e ka pasur shok te ngushte. Plus qe mban dhe syze se Maria Magdalena e ndiqte moden goxha ne ate kohe. Kush nga ngeli tani ? Apostujt e tjere, Pjetri, Gjoni, Jeronimi, Pali, Simoni, Luka etjere etjere. Ketu shperndarja eshte sipas deshires, rendesi kane figurat kryesore. “Po une, une ku isha ?” thote Shabani. Une ? Asgjekundi, une jam i Fshehti, ai qe ska fytyre, i papashmi, i paprekshmi, etjere etjere. Zoti, dmth ? Eh jo de jo, Zoti nuk shkruan neper blogje. Megjithese, tani qe po mendohem, Zoti i ben te gjitha, mbase edhe shkruan. Shpresoj ta gjej ne ndonje postim se dua t’i bej nje kerkese te forte, t’i them : o shoku Zot, dua qe sivjet te me besh t’i takoj kete 13-çen me lart dhe t’iu them qe duhet te perpiqeni me shume, te shkruani me shume dhe me mire, te diskutoni me embel, dhe sidomos, ta duani njeri-tjetrin, se vetem dashuria ju ben me flatra, ju ben te shkruani papushim, poezira, drama dhe tragjedira, lot dhe permallime, shtrengime dhe ndarje, pastaj ribashkime dhe puthje… OK, OK, se e bera telenovele fare tani. Do t’i them thjesht : ruaje o Zot, kete 13-çe nga te ligat dhe beji te shkruajne dhe postojne me teper. Amen.

  5. flo Says:

    Ne te vertete nuk eshte shami, eshte kapuç

  6. alfred.b Says:

    As une nuk i njoh disa prej 13/shes e shpresoj ti njoh ndonje dite.
    Me vjen keq qe keni harruar nje person ne vecanti. Shume prej jush e din per ke flas, te tjeret le ta imagjinojne. Sdua te bej emra personash e referate ku ne fund duhet te vendos dhe bibliografine qe tregon per nje diskutimi serioz.
    Po e them sa per te t-ua bere te ditur se disa gjera jane te rendesishme e disa te tjera jo. Diskutimi im si ndertim morfologjik s’eshte i tille por ajo qe dua te them ka rendesi sepse dikush nga ata qe kan pergaditur kete urim apo kete fotografi kan harruar nje person qe ka qene qe ne fillim pjese e TC/se, perpara shume te tjereve ketu.
    Nuk eshte dicka per tu kapur nga briret dhe per ta marre zvarre neper fshat, qe te theret per festat e vitit te ri. Kjo eshte thjeshte nej terheqje vemendjeje e cila sduhet te perseritet nese ne te gjithe duam qe ky grup i tille te eci perpara me kete projekt qe ka nisur. TC eshte nje grup qe ka nisur me pak veta brenda e me pas eshte zgjeruar. Te lihet dikush perjashta per harrese apo per cfaredolloj arsyeje tjeter qe varet nga njeriut eshte mungese, madje mungese e madhe qe tregon se nuk ka nje grup qe e percepton veten te tille ose eshte dikush qe ne kete grup nuk do qe dikush te perfshihet.
    Gjithsesi, se u zgjata pak si shume me keto muhabete femrash. Dua te them se nese duam te jemi grup le te jemi te tille dhe ti futemi me seriozitet kesaj gjeje qe kemi nisur. Kjo gje nis nga gjerat e vogla te cilave duhet tu japim rendesi.
    Si perfundim fakti qe keni harruar dike ta fusni ne kete foto urimi mua sme ka pelqyer aspak, biles dhe mi ka ngrit pak nervat. Po nejse.
    Disa gjera duhen menduar mire perpara se te behen sepse dikush mund te ndjehet i merzitur nese nuk e shikon veten pjese te nje gjeje qe ka kontribuar qe ne fillimet e saja dhe mbi te gjitha i ka dhene nje fare niveli te rendesishem me ate cka ka shkruajtur.

    Ju uroj nje vit te mbare dhe te lumtur te gjitheve ju.

    UN = Kur e pyeten Joyc-in se si ka mundesi qe nje ateist si ai kishte shkruajtur nje liber i cili ishte plot me figura dhe referimi biblike ai u pergjigj : Une vertet jam ateist por nuk jam budall.

    Rrofsh per Juden.

  7. dorinaB Says:

    Alfred, nuk kemi nje foto te personit per te cilin ti flet. Pra nuk eshte bere me qellim dhe nuk ka arsye pse te behet me qellim njehere, ti e the vete qe eshte nder te paret dhe nuk kishim si ta harronim, per me teper skemi mundesi as ku ta marrim foton…
    Nqs ti na gjen nje foto kjo rregullohet menjehere, nuk eshte problem.

  8. OriginalOfTheSpecies! Says:

    Facebook is the answer! 😉 🙂

  9. flo Says:

    Sa me ngjaka çuni 🙂

  10. dorinaB Says:

    ne kete rast facebook is not the answer…

  11. alfred.b Says:

    po me duket vetja me idiot tani pas komentimit.
    Ej po ska noj gje se une sdoja me e be kaq tragjike sa tme kerkoje foton e personit. Une sjam ndreqes gabimesh e as kam ndermend ta bej. Nese doje foton ma kerkoje perpara, apo sbehet keshtu.
    Une e mbyll kte gje me kaq e sdo e zgjas me se e kam nis kte vit si mos me keq.
    Pune te mbare te gjitheve dhe frymzim te pamase e mbi te gjitha ta gezoni kte viti te ri akull.

  12. dorinaB Says:

    Dua te te them dy gjera dhe per mua ceshtja ne fjale quhet e mbyllur.
    Se pari fakti qe une u perpoqa te te sqaroja ketu dhe pertej ketu-se, dhe jo vetem une… vjen prej faktit se nuk eshte e qellimshme.
    Se dyti, kur e mora persiper te beja foton, u lajmeruat per fotot dhe aq sa ishin u sollen e deri ne momentin qe i kam hapur ne 11 te darkes me date 31 as nuk e dija sa foto ishin dhe te kujt ishin, duke qene se une nuk jetoj ne fb apo tc dhe ditet i kam shume te ngjeshura me pune , dhe ti sigurisht qe me date 31 ne darke nuk ishe para kompjuterit. Pra u be shpejt se ashtu erdhi situata qe nuk arrita ti hap me pare. Sigurisht qe une e vura re mungesen e personit dhe te personave te tjere si te Edvinit e te Arlindes dhe fotot i mora te accountet e tyre, per personin ne fjale nuk kisha nga ta merrja. Ne daten 2 kam kerkuar disave prej anetareve te tc foton e personit( mund ta konfirmosh) dhe shtova dhe dy te tjere qe me kishin dale nga mendja( faji im ky ) , por u rregullua.

    Kaq kisha une.

    p.s edhe nje vit te mbare, s’ka gje si ka nisur , jo gjithnje nje fillim jo i mire flet per gjithe vitin ne vazhdim 🙂

  13. flo Says:

    Faleminderit Dorina per kujdesin.

  14. Alket Bushi Says:

    Se pari gezuar te gjitheve! Une gezohem shume qe qenkam ne foto, madje duke treguar haptas vesin tim te duhanpirjes… Edhe diçka: eshte shtuar nje foto pas komentit te un-it, apo un-i i ka numeruar gabim, se me dalin 14 mua…

  15. un Says:

    Une ne fakt numerova 13 sepse nje foto ku ka bore (me duket, apo jane petale lulesh te bardha ?) eshte me teper nje peizazh sesa nje foto e dikujt. Prandaj nuku quhet. Pra ngelen 13.

    Meqe ra fjala, filluan te dalin nje nga nje kush eshte kush. flo u “ankua” se nuk ishte shami por kapuç, pra e murra vesh kush eshte ne foto, e fundit fare, sepse e parafundit ka vertet kapuç ne koke por ai s’kishte arsye pse te me dukej si shami, pra hamendesimi bie. Flo eshte e fundit, kjo eshte e qarte tashme. Edhe i pari u gjet, sepse une e kisha percaktuar si Juda dhe personi u shfaq duke me falenderuar per “dekoraten”. Ok, kemi dy skajet, te parin dhe te fundit. Tani, meqe edhe Alketi qenka ne fotomontazh, me cigare dhe ai, atehere i bie te jete… i pari perseri. Nuk paska asnje tjeter me cigare. Dmth Alfredi = Alketi ?! Tashme emeruesin e perbashket e kane, po numeruesi nuk dihet… Te jete Alfredi Alket dhe anasjelltas ? Hmm… nuk me duket ashtu por sidoqofte, çeshtja po nderlikohet keq. Sepse kemi te pazgjidhur çeshtjen e tre vajzave qe jane njera mbi tjetren : syzet, shalli dhe kapuçi. Pastaj dalim tek djemte ku ka nje larmi pozimesh : me kapele pa kapele, me mjeker pa mjeker, me floke te gjate tullace fare, te bardhe te zinj, i gjithe njerezimi, me nje fjale.
    Si perfundim, gezuar edhe njehere. Deri me 15 janar thuhet ende, pastaj fillohet me pergatitjet e shen Valentinit, dhe pastaj dita e veres, e rrenave dhe me radhe.

  16. Alket Bushi Says:

    Emeruesin e perbashket e kemi une dhe Alfredi, mbiemrin hahahhaha. E kam cigaren bre Un edhe un (hahahaha!) por mezi duket. Sa per foton e bores te dale i lutemi shume i zoti i skive (apo eshte shkop per te trembur kojotat ajo qe mban ne dore hahaha!) dhe te veteshpallet… Ne fakt do me pelqente te ishim 13 sepse jam i fiksuar me lojen e numrave (jashte çdo supersticioni, merret vesh) dhe numrin 13 e kam fiksim, madje per çdo rast te jetes sime bej mbledhje, zbritje, shumezime e pjesetime per te pare a del ky numer (si puna e Bezuhovit te “Lufta dhe paqja” nese e mban mend). Meqe vendet kryesore “u zune” do kisha qejf te isha Shen Pjetri aty, mjekrren po qe po e kam hahahahaha! Ti Un seç ben nje humor te kendshem…

  17. d Says:

    ai ne bore , eshte Enkelejdi

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: