Archive for November, 2009

Ca statistika

30/11/2009

Ca statistika.

WordPress është tepër i nevojshëm sepse, midis te tjerash, të lejon të shikosh shumë statistika. Një nga këto – artikujt më të lexuar – po e fusim si artikull. Është interesant për të parë se cilët janë ata më të lexuarit, apo për te ri-lexuar ndonjë që keni humbur, thjesht duke klikuar mbi të.

(more…)

Hymn

28/11/2009

Rreth flamurit të përbashkuar
Me një dëshir` e një qëllim,
Të gjith` atij duk` ju betuar
Të lidhim besën për shpëtim.
(more…)

Llafe acaruese

27/11/2009

I paparë, plako, kshu më kshu qe thu ti, rrush,  i/e pavdekshëm, alamet, e lartë ( e naltë ), revolucion, shpirti, që thu ti, rrofsh, kismet, nejse, folim, tranzicion.

Detyra shtëpie ; ndërtoni një fjali që të ketë të paktën tre llafe acaruese


Nëse artikulli ju pëlqen ndajeni me miqtë tuaj në Facebook

 

Kapitulli I. Pas meje!

26/11/2009
Inglourious Basterds

Inglourious Basterds

Emri im është Toger Aldo Raine dhe më duhet tetë ushtarë. Tetë ushtarë çifutë-amerikanë. Ju mund të keni dëgjuar fjalë që zbarkimi i aleatëve do ndodhë së shpejti. Mirë, ne do nisemi pak më herët. Do na lëshojnë në Francë të veshur si civilë. Sapo të jemi në territor armik, si një ushtri ferrash, do bëjmë një dhe vetëm një gjë…do vrasim nazistë. Pjestarët e Partisë Nacional-Socialiste kanë pushtuar Europën nëpërmjet vjasjeve, torturave, trembjes dhe terrorit. Të njëjtën gjë do u bëjmë dhe neve. Tani, nuk e di për ju të gjithë por, është e sigurt që une skam zbritur nga Smoky Mountains, përshkuar pesëdhjetë milje detare, luftuar me gjysmën e Siçilisë dhe pasaj hedhur nga një aeroplan për t’ju mësuar Nazistëve humanizmin. Nazistët s’kanë humanizëm. Janë ushtarë nën urdhrat e një çifut-urryesi, vrasësi në masë e manjaku, dhe duhen shkatërruar. Prandaj çdo bir kurve me të veshur një uniformë Naziste do vdesë. Ne do jemi të egër me Gjermanët dhe përmes egërsisë ata do dinë kush jemi ne. Ata do gjejnë prova të egërsisë sonë në trupat e presë copash, shpërbërë, e shfiguruar të vëllezërve të tyre që do lemë pas dhe Gjermanët nuk do mund dot të mos imagjinojnë vuajtjen e vëllezërve të tyre në duart tona, nën çizmet tona dhe ne tehet e thikave tona. Dhe Gjermanëve do sëmuren kur të na mendojnë, Gjermanët do flasin për ne dhe Gjermanët do na kenë frike ne.  Dhe kur Gjermanët të mbyllin sytë naten, ndërgjegja e tyre ti torturojë për të këqijat që kanë bërë, do mendojnë për ne.  Dakort? Duke iu bashkuar kësaj ushtrie ju hyni ne borxh me mua. Ju me detyroheni secili njëqind skalpe kokash Nazistësh, dhe unë i dua ato skalpe!

Down Rock Nëntor 2009

25/11/2009

Sea Wolf

  1. Wicked Blood (Sea Wolf)
  2. Mr.Blue Sky (The Spinto Band)
  3. Gold Rush (Basia Bulat)
  4. Every Dog Has His Day (The Real Ones)
  5. The Sea Is a Good Place To Think of… (Los Campesinos!)
  6. Heartbeat Radio (Sondre Lerche)
  7. Higher Than the Stars (The Pains of Being Pure at Heart)
  8. No Light Escapes (The Prairie Cartel)
  9. Caroline (Espers)
  10. The Season of Flowers and Leaves (Pugwash)
  11. Let’s Dance (Holmes)
  12. Shape Shifter (Systems Officer)
  13. I Should Be Born (Jets Overhead)
  14. A Funeral Dressed as a Birthday (We Are the Willows)
  15. The Killing Moon (Dubious Ranger)
  16. Everyone Comes To Life (Goonies Never Say Die)
  17. Still Love (Pollyn)
  18. My Delirium (Ladyhawke)
  19. Change of Heart (El Perro del Mar)
  20. Scoff (Live at Pine Street Theatre) (Nirvana)

__________________________________________________

Tirana Calling o ne Fejsbuk. Nese artikujt ju pelqejne ju ftojme te na shtoni si miq, te na sugjeroni, te komentoni etj etj.


Nëse artikulli ju pëlqen ndajeni me miqtë tuaj në Facebook

 

Poshtersia nuk fiton kurre

23/11/2009

 

nga Erion Selmani

Ti i nderuar lexues je i/e bukur i sjellshem dhe habitesh pse te tjeret te nenvleresojne. Per mendimin tim te kane zili dhe kjo zilia qenka ndjenje e poshter. Zilia eshte ne gjendje te shkaterroi njerez, qytete dhe ndoshta shtete e Principata te begatshme.

E cili eshte qellimi yt ne jete?

(more…)

Poe, Morella dhe Unë (Përjetime gjatë një përkthimi)

21/11/2009

nga Kamomila

Ndërkohë që bëja përzgjedhjen e tregimeve, për një vëllim me tregime të zgjedhura që deshiroja ti përktheja dhe botoja, duke kërkuar nëpër faqet e internetit për tregime nga autorë me emër, sytë më zinin çdo herë emrin e Edgar Allen Poe, me një listë tepër të gjatë tregimesh, ndoshta më të gjatën nga të gjithë shkrimtarët e tjerë. Gjithmonë e anashkaloja ose e shtyja për më vonë, përzgjedhjen e një prej tregimeve të tij. Tregimet dhe gjithcka tjetër që përktheja, i përjetoja dhe krijonin emocione pozitive apo negative brënda meje. Nga Poe kisha lexuar Korbin të përkthyer në mënyre gjeniale nga Noli si dhe një cikel poezish nga i njëjti përkthyes dhe më kishte tronditur në mënyre të pashlyeshme. Kisha mësuar dhe recitoja përmëndesh pjesë nga Korbi, të cilat nuk më shqiteshin nga mëndja, ashtu si një melodi që na ngjitet në tru, për një kohë të gjatë. A do e mbaja dot vallë ngarkesën emocionale që do më jepnin tregimet e Poe? Të errëtën, mistiken, të panjohurën, ku erërat frynin që nga të tjera botë dhe shpirtra endeshin në përjetësi. Ky ishte problemi im gjatë kohës së përzgjedhjes. Por pasi bëra përzgjedhjen nga autorë të ndryshëm, në një moment të caktuar, në mënyre të pashmangëshme i erdhi rradha Edgar Allen Poe. Si çdo përkthyes që ka metodën e tij, sipas metodës time, unë nuk i lexoja më parë tregimet. I përzgjidhja duke i besuar intuitës time dhe i përktheja direkt. Kjo më jepte mundësi që të futesha në botën e brëndeshme të asaj që autori kishte dashur të shprehte, të rridhja edhe unë nëpër mendimet e tij dhe kurioziteti më bënte që ta përktheja shpejt duke punuar pa pushuar. Pa shumë hezitim, zgjodha mes titujve të Poe atë që intuita ime më këshilloi “Morrella”. Hap pas hapi duke rrjedhur në rreshtat e autorit, kuptova sa njërezor dhe i vërtetë ishte thelbi i absurdit të Poe, veshur me misticizmin e tij: dashuria me kompleksitetin e saj si ndjenjë… me vitalitetin e saj për të jetuar dhe mos vdekur, dashuria e mbetur në ajer edhe kur njeriu i dashur nuk është më, dashuria e konceptuar si ndjenjë përmbi materialen njërëzore.

(more…)

I love tallava

20/11/2009

nga Ba Bài

I will gonna give you up
I will gonna let you down
I am gonna make you cry
And hurt you.
– Dashuria tallava

I. Në ditët e sotme, lagjja «Tirana e Re» mund të krenohet me fare pak gjëra. Por ama faktin se njëherë e një kohë kjo ka qenë lagjja ku ka banuar vajza e bukur me emrin Marsida*, këtë nuk e mohon askush! Vajzës në fjalë i kanë kënduar me afsh dhe pasion këngëtarët më të mirë të traditës sonë. Madje mes adhuruesve të kësaj muzike vazhdon një debat i ashpër, që nuk është mbyllur akoma: kush i ka kënduar më bukur Marsidës, Sami Kallmi apo Andi Shkoza. Kënga flet për dashurinë me në sfond një plagë të rëndë shoqërore — mungesën e energjisë elektrike. Megjithatë, mungesa e dritave duket se nuk i ka prishur punë romeos në fjalë, përkundrazi! Ai e ka takuar Marsidën poshtë ke shkalla e pallatit pa teklif, pa u parë nga të tjerët. Po ta vini ‘re gjatë interpretimit të tij, Sami Kallmi ia merr disa akordeve «rokoko», të cilat do t’ia kishin zili edhe aktorët e Bollywoodit. Ndërsa versioni i Andi Shkozës ka një tendencë disi më reggaeton, vjen më i freskët dhe më modern. Kënga «Marsida» i dedikohet veçanërisht durrsakëve dhe Shkozetit. Në Youtube, hiti prezantohet si vijon: Kjo këngë për të gjithë ju që e kërkonit dhe nuk e gjenit në versionin origjinal. E pra ja tek është, por me video tjetër. Besoj se do ju pëlqejë.

(more…)

Një libër për t’u djegur

19/11/2009

nga Artan Fuga

Me këtë libër krejt të veçantë, titulluar “Tregu i zeros”, Eljan Tanini vjen për herë të parë përpara lexuesit.

Kisha dëshirë të shkruaja disa fjalë për të jo vetëm për të vlerësuar autorin e ri që ka shkëlqyer në studimet e tija në filozofi dhe sociologji, por edhe forcën me të cilën ai merr në sy realitetin tonë të sotëm moral.

Vështrim krejt origjinal, të cilit nuk i mungon edhe një farë cinizmi.

Ka të drejtë Eljani që, duke u shfaqur si provokator, cinik, gërvishës dhe pa lule hipokrite, e vendos gishtin në plagët tona të korrupsionit, mosrespektimit të vlerave, humbjes së dashurisë për sho-shoqin, një egoizmi që i derdh valët e veta si cunam mbi familjen, institucionet, marrëdhëniet pronësore, shoqërinë.

(more…)

Liria e fjalës

17/11/2009

Të gjithë e dinë

16/11/2009

Leonard Cohen

Të gjithë e dinë që zaret janë hedhur me hile.
Të gjithë (për fat) ecin me gishta të kryqëzuar.
Të gjithë e dinë se bijtë më të mirë u shuan.
Të gjithë e dinë që lufta ka mbaruar.
Të gjithë e dinë se ndeshja përfundoi:
I varfri mbetet i varfër, i pasuri shton pasurinë.
Ky është një fakt, të gjithë e dinë.

(more…)

Rrapo Hekali dhe kryengrija e Mallakastrës e vitit 1847

15/11/2009

nga L.Gërveshi

Porta e Lartë vendosi të reformonte shtetin duke shpallur Tanzimatin.Për ti bërë ballë zbatimit te reformave, që godiste interesat e tyre krerët e Shqipërise se Jugut u mblodhën në qershor te vitit 1847 në Mesaplik të Vlorës. Ketu u formua besëlidhja e përfaqësuesve të Shqipërisë së Jugut që u quajt “Lidhja Kombëtare Shqiptare”. Kjo organizatë mori vendime me karakter politike. Nga Lidhja doli Komiteti i kryengritjes me në krye Zenel Gjolekën. Ky komitet caktoi në këtë kuvend drejtimet e kryengritjes dhe frontet e luftimeve. Organizimin e kryengritjes në krahinën e Mallakastrës e mori përsipër Rrapo Hekali.

Gjolekën vunë të parë

të dytë Rrapo Hekalë.

(more…)

(Unë) Kam lindur shumë herë ( kështu rriten njerëzit )

13/11/2009

Linda për herë të parë pranë një kopshti jeshil e të freskët
( oh si lulzonte djersa e parardhësit tim,
diku aty fillova të besoj në pafundësinë e shpirtit )

Po kam lindur & pranë një minareje
që dikush kishte braktisur mu në mes të Tiranës

(more…)

Dimri në Evropën e bashkuar. Refugjatët shqiptarë

11/11/2009

Si zogjtë e qyqes shpërndarë anembanë
Ata që bij të shqipes qenë gjer dje,
Të lodhur nga gjithçka, nga trenat,vizat,
Dhe nga kontrollet q’i gjëmojnë si pré.

(more…)

Teleburg

08/11/2009

Abetari shqip

07/11/2009

nga Faik Konica

Në pak fjalë, – me qëllim por pa shpresë që t`u mbushim kokën hamajve, zaptieve, të shtrembërve e t`egërve, – duam të shkoqitim
çështjen e abetares gjer më sot. I pari libër në gjuhën tonë dolli në 1635, d.m.th. 256 vjet më përpara, në Romë, prej Frengut të Bardhë (Dictionarium Latino-Epiroticum). [Autori më vonë do zbulonte duke gërmuar në arkivat e bibliotekës kombëtare të Francës, veprën e Pjetër Budit “Speculum Confessionis” ose “Pasqyra e të rrëfyemit” të shkruar, me të njëtin alfabet, në vitin 1621, pra 14 vjet më parë]. Ky libër përdori një alfabet, i cili ka të ngjarë se përdorej edhe më parë, se, po ta kish bërë Frengu i Bardhë, do ta kish thënë në parathënie të librit të tij; pra duke heshtur, na rrëfeu se alfabeti i tij nuk qe i ri. Me atë alfabet duallën gjer më sot shumë libra, më të shumtët përmbi fe, një fjalor shqip e italisht disa mijëra shtyllash, e me atë mëson gjithë pjesa e Gegërisë katolike. Të metat e atij alfabeti janë kryesisht dy:

(more…)

Good Night and Good Luck

06/11/2009

për përkthimin falenderojmë Leiden

“Ajo që do të them mund të mos ju pëlqejë. Në fund të këtij debati disa njerëz mund të akuzojnë këtë gazetar se po pështyn në pjatën ku ha, dhe shoqata juaj mund të akuzohet se po u bën vend, në gjirin e saj, ideve eretike (madje të rrezikshme.) Por struktura e ngritur nga rrjetet televizive, agjencitë publicitare dhe sponsorët nuk ka për t’u shembur, as cënuar.
(more…)

Endrra e zemrës sime

02/11/2009

poezi nga Paul Verlaine 

 

Sa herë ëndërrova, një ëndërr për çudi,
Një grua të panjohur që më do dhe e dua
E që prorë më duket jo krejt si ajo grua
Po jo dhe krejt si tjetër, e më do pa kufi. (more…)