Tirana Calling pak Letërsi e Bejtexhinjve

by

270_ldivan

Nezim Frakulla (Berati)

*

O shokë, mos na harroni,

se vemi në dhè të huaj,

një selam të na dërgoni,

bari në tre-katër muaj.

Do t’ju jap një amanet,

kur të shihni fush`e male,

të faleni me shëndet

prej meje më shumë halle.

*

A s’e shihni ju në dynja

Manushaqenë,

nëpër male, nëpër sahara

çeli faqenë?

*

Behari u lulëzua

U zbukurua dynjaja.

Jeta në shenllëk u mbulua,

gëzojnë fukaraja.

Sulejman Naibi

*

“Mahmudeja e stolisurë”

Këjo sevdaja e insanit

Gjallë njerinë ç’e përvëlon,

Mahmudeja e Sulejmanit

Me gazep sokakut shkon.

Jelek kadife veshurë

Si mosnjeri në këtë dhè,

me buzë duke qeshurë,

ç’të ka hije moj Mahmude!

*

“Si kandil i djegurë”

Cullufet e tua-lulet e zymbylit,

je vet’bukuria e kopshtit ku ke hyrë,

Pra, ka hak bilbili të shikonj’ me sy,

ta lër trëndafilin, të këndonj’ për ty.

Të këndoj për buzët të kuqe shafran,

të këndonj’ për ballin, që nuk zihet kurrë…

Hasan Zyko Kamberi

*

Nga “Bahti im”

Zu Hasani e zihetë,

me baht e tij po prihetë,

vallë, ku rri e fshihetë,

që s’punon, more bahti im.

*

Nga “Trahani”

Tetë muaj gjithë ç’janë

Që e zjejnë dhe e hanë

Fukarasë i mbanë hajanë

Dritë kush gjeti trahanë.

*

Nga “Paraja”

“Mbreti, q’urdhëron dynjanë,

Që ka vënë taraphanë

E i presënë paranë,

Ja di kimenë parasë.

Dhe veziri, q’është veqil,

Zë sikur të bënet’ adil

E mos thotë dot kaly-kil,

Ja di kimenë parasë.

Sheh Islami, q’ep fetfanë,

Që di qitapëtë ç’thanë,

Nukë kaçirdis paranë,

Ja di kimenë parasë.

Myfti edhe myderizë

Edhe kyrra e vaizë

Kanë ujdisur’ iblizë,

Ja di kimenë parasë.

Dhe kadiu i mehqemesë,

Që rri sipër sixhadesë,

Edhe shehu i teqesë,

Ja di kimenë parasë…

Dhe pashallarë, bejlerë,

Edhe avamë të tjerë,

Për para apënë krerë,

Ja di kimenë parasë…

Kadiut, t’i rrëfesh paranë,

Ters e vërtit sherianë,

Për para se ç’e shet t’anë,

Ja di kimenë parasë…”

Advertisements

Tags: ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: